منتديات الحصاحيصا نت alhasahisa - لو سمحت اسمعنا من التلفون

بسم الله الرحمن الرحيم

بدون تاشيرة

وليد العشي

لو سمحت اسمعنا من التلفون

· فى فترة ليست بالقليلة انتشرت فى هذا الاثير العريض عدد من القنوات الفضائية السودانية واصبحت تضم انصاف المواهب وكل من هب ودب فى عالم الاعلام بالواسطة وبالواتساب
· وكثرت فى المقابل عدد من البرامج التى تعتمد على المحطات الخارجية وعبر الهاتف والفيس بوك وغيرها من الوسائط المتعددة
· والجماعة مقدمى البرامج اصحاب الكرفتات الملونة والثياب المزركشة شغالين هرش شديد للمتصلين عبر الهاتف .. يا فلان وطى صوت التلفزيون .. ولوسمحت اسمعنا من التلفون
· لكن المرة دى يا مذيعين ويا مذيعات اسمعونا انتو وبشكل مباشر ومن غير تلفون ولا تلفزيون .. ثم تانى القال ليكم منو نحن بنسمعكم من التلفزيون
· نحن والله مشاهدين ومتابعين واعيين وفاهمين وخلونا نقول ليكم .. الكلام الجد ..والنصيحة المفيدة .. والفائدة البسيطة ..
· ابتسامة تاتى فى غير موضعها لا الزمان ولا المكان .. وعبارة نحن سعداء ان نلتقى ..اصبحت مكررة وانهكتها الشفاة ..ونطق ومخارج حروف تحتاج الى مترجم وصرف بذخى على المكياج اكثر من الاعداد ...وفكرة خالية من المضمون ..ومقدمى برامج لا يفرقون بين المذكر والمؤنث ..
· هذا قليل من كثير...ولكن ايضا الساحة لا تخلو من وجود مقدمى البرامج المتمزين والمعدين الذين يستحقون وقفة تقدير وتعظيم سلام للبصمة العالية من الجهد واحترام عقلية المشاهدين والمتابعين ..وبرضوا اسمعونا من التلفون ..ورمضان كريم عليكم
· وانتخابات الموج الازق على الابواب وصلاح ادريس والكاردينال وصراع الجبابرة يقترب والهلال يبتعد ... اللهم ابعد العوارض وولى من يصلح وانصر سيد البلد ...اميييين يا رب العالمين
· الطعونات عادة سيئة اصبحت تلازم معظم انتخابات الهلال وهى سلاح العاجز.. ونامل ان يعمل تنظيمى عزة الهلال والاصالة والصدارة على سحب الطعونات المتبادلة بينهما وان يكون الصندوق هو الفبصل فى الفوز وتاكيدا للمارسة الديمقراطية النقية
· قصة الريد القديمة بيسالونى عليها ديمة .. لسان حال هيثم مصطفى وشطب لسؤ السلوك من الهلال ومن المريخ .. ومن قلوب الرياضيين ...براى سويتا فى نفسى ...الحق نفسك يا كابتن السودان
· بدون تاشيرة : تااااااانى سيكافا
· حاجة خاصة : سيد الاسم
· قبل الخروج ... اللهم اشفى المرضى وعافيهم .. والسلام ختام وفى امان الله