منتديات الحصاحيصا نت alhasahisa

منتديات الحصاحيصا نت alhasahisa (http://www.alhasahisa.net/vb/index.php)
-   «۩۞۩-منتدى الادب والثقافة-۩۞۩» (http://www.alhasahisa.net/vb/forumdisplay.php?f=11)
-   -   سياحة في دروب المسادير (3) خالد يوسف العشاري (http://www.alhasahisa.net/vb/showthread.php?t=15268)

خالد يوسف العشاري 03-23-2011 03:21 PM

سياحة في دروب المسادير (3) خالد يوسف العشاري
 

مواصلة لما أنقطع من حديث في سياحة في دروب المسادير (1) و (2)
وقد أحببت أهلنا الزينيين من هذه الإطلالة أن أعكس جزء من المجادعات التي تمت بيننا في (منتدى أنا سوداني) على (الشبكة العنكبوتية)، والذي فيه ضرب الشباب خيمتهم لإحياء هذا التراث الرفيع ، وقد إستصحبت فيه مجادع وأحد هو الأخ : الشاعر الفذ/ أبو بكر عبد القادر الترابي (اللبيب) في هذا الكتيب في هذا الجزء
(سياحة في دروب المسادير) حتى تعم الفائدة والآن أقوم بنقله هنا في منتديات (الحصاحيصا) لسببين أثنين الأول :- لأن هذا الموضوع بالرغم من أهميته كتراث يفيد الشباب ويربطهم بالجذور إلا أنه لم يتم تثبيته هناك والسبب الثاني :- الإنحياز الجغرافي لهذه الولاية المدهشة ولاية الجزيرة التي هب منها هذا النوع من الأدب كالشهاب ، حيث أنا والأخ أبوبكر كلانا ينتمي لهذه الولاية أبو بكر (لبيب) من (ود الترابي) وأنا من (العقدة المغاربة) وتحتوي هذه المجادعة على (200) بيت ولكن سوف أقوم بتنزيلها جزء جزء سياحة في دروب المسادير (1) و(2) ... وهكذا لأن المنتدى لا يسع إلا لـ (1000) كلمة فقط ، وبداية هذا المسدار
وجدت أختنا (شهد الكلام) تجادع في أخونا (الأغبش) وأخونا (لبيب) وفجأة ... دخلت .. وقلت ليهم .. وأرح ....
خالد :
يا شهد الكلام والأغبش البتجادع
أحيتوا التراث من تاني عايد وراجع
بكلاماً لذيذ ما فيهوا خدعة ساجع
داير قربكم في تراثنا داير أجادع
لبيب :
ود يوسف حباب قولك كلامك ساجع
يشفي قلوبنا من كل الهموم ومواجع
حبابك تب حبابك جيتنا صادي وراجع
إت قول الكلام تب وأبقى لينا مراجع
خالد :
تسلم يا اللبيب من الهموم ومواجع
من محن الزمان وقدر الحبيب الفاجع
في الغربة أم هموم أصبحتوا لينا مراجع
ما بتتفاتوا تب جيت تاني صادي وراجع
لبيب :
حبابك تب حباب الليلة يوماً جابك
يا ود يوسف الفوق عالي ديمة جنابك
يا زينة الرجال الديمة فاتح بابك
الشرف الكبير لي أبقى من أصحاب
خالد :
حبابك يا اللبيب ما شوفنا زمناً عابك
ود عز الرجال بالحيل عزيز تيرابك
وقت الحارة ديك تلقاكا كاجي حرابك
ولي الجار والبعيد دايماً مواكا جرابك
لبيب :
دايماً للمسادير نحن ديمة حنان
ونتحدى البجادعنا الإنس والجان
دايماً تبقى عالية وحالية البنيان
والمعنى الفصيح لي قولنا أحلى بيان



خالد :
مسدارنا اللذيذ ما بنموا راعي الضان
ونتحدى الجميع حسان مع عرمان
أجدع يا اللبيب نم ميز الأوزان
إت سيد الكلام ماك السميع ضهبان
لبيب :
الزول الشبيه الصيد وعينوا كحيلة
آسر قلبي من بدري ودميعتي هميلة
السبب البخلي أفكاري حايره دليلا
في جنس البشر تب مافي ليهوا مثيلا
خالد :
أجدع يا اللبيب في الجدية بت الريلة
مفارق النوم خلاص في الخد دميعتي هميله
الخلاني فوق نيران هواها بليلة
إنسربت خلاص في الروح بقتلي زميلة
لبيب :
مربوعة القوام تاج العفاف إكليلا
في سجن الغرام خلت قليبي نزيلا
الخلاهو دمعي يسيل ويجري هميلا
لصفات عينو تلدغ خلت رويحتي تشيلا



الساعة الآن 06:51 AM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010

vEhdaa 1.1 by NLP ©2009