منتديات الحصاحيصا نت alhasahisa

منتديات الحصاحيصا نت alhasahisa (http://www.alhasahisa.net/vb/index.php)
-   «۩۞۩-منتدى الحصاحيصا الحر-۩۞۩» (http://www.alhasahisa.net/vb/forumdisplay.php?f=7)
-   -   حدد الموقع (http://www.alhasahisa.net/vb/showthread.php?t=8315)

محمد ارباب 08-19-2009 10:51 AM

حدد الموقع
 
تفتش عن خط (عبور مشاة) أو (أمامك مدرسة) أو(منحنى) فى كل (المدينة) وما تلقاهو ...

تقابلك إعلانات شركات (مسئول) كبير وهو لا زال (فى الخدمة)…

(يلبد) ليك شرطى (مرور) فى نهاية (شارع إتجاه واحد) ويخليك لمن تدخل ويجيك بى (دفتر إيصالاتو) ...

تلاقي وكل يوم الجامعات تناقش(خمسين) رسالة دكتوراة و(ميتين) رسالة (ماجستير)

وزارة الصحة تطلع قرار فيهو (الدواء) ده (فاسد) أحظروهو .. وبعد شويه قالت (ما فاسد) خلوهو .. وبعد شويتين (فاسد) أمنعوهو ….

(الصحف) بتتقفل بى (ماده) فى القانون (معموله للمطاعم) …

تلاقى الترزي كاتب على باب المحل بتاعو آيه بتقول ( وفصلنا كل شئ تفصيلا) صدق الله العظيم …

تقرأ الصحف فى 1987 و فى 2016 عن (إنتهاء قطوعات) الكهرباء وتلاقي نفس الكلام فى صيف 2030 ....

أهم (كبرى) فى عاصمة البلد صيانتو عاوزة ليها (سنتين) ..

يبهدلوك في اي مكان وتمشي تشتكي للشرطة يقولوا ليك دا مش اختصاصنا امشي اشتكي في الثروة الحيوانية ...

تلاقي أنو وزارة الداخلية عندها مؤسسات (تعليمية) ووزارة التعليم عندها مؤسسات (صحية) ووزارة الصحة عندها (شركات إنشائية)…
تتوقف (الحركة) إثناء ساعات (الذروة) وإكتشفت أن السبب (كشه) ….

تعدم (التعريفة) وتدخل فى (ديون) للإيفاء بنفقات (فراش) قريبك الذى توفى إلى رحمة الله ….

تكتشف أنو (ترخيص عربتك) يساوى (ربع) قيمتها ….

يتقدم إبنك (المهندس) لشغل وظيفة وكان (الإنترفيو) عن (صلاة الجنازة) ...

(فجأة) يكتشف (المسئولون) أن (الخريف) على الأبواب ….

يكون عندك (الكلية) اليمين متعطله وعاوزين يشيلوها ليك يقومو (يستأصوا) الشمال السليمة لأنو الدكتور) كان ماسك الأشعة (بالمقلوب) ….

يقعد (مرتبك) معك (تلاته ساعات وإطناشر دقيقه) هى الفترة من لحظة إستلامه من الصراف إلى حين عودتك للمنزل ….

فريقك الذى تشجعه على الفريق الخصم يفوز فى مباراة الذهاب 8/صفر ويخسر فى مباراة الإياب 12/صفر….

تلاقي لوري التراب وكومر البلدية من سنة 50 شغال بالاضافة للرقشة في نفس الشارع ...


تخشي ليك مؤسسة حكومية وتلقى الموظفين مافي اثناء الدوام ...

تطلع مستحمي و متريح وماشي عرس و تدخل العرس زي الكنت بتلعب كورة ...

تمشي مشوار 20 كيلو متر و توصلو في 4 ساعات ....

تمشي الحوادث ويقولو ليك لو عندك رصيد اضرب للدكتور لانو نايم ...

تلاقي اجنبي عاطل عندو صلاحية اكتر منك و الناس كلها تحترمو ...

يعلنو عن 3000 وظيفة وتمشي تقدم في اليوم ويقولو ليك تعال بكرة
لانو لجنة المعاينة ما اكتملت و تجي تاني يوم وتلاقي التقديم قفل


لو محتاج حاجة و لقيت اقرب حتة تجيبا منها على بعد 3 كيلو متر....


[marq="3;right;3;scroll"]ممكن تخمن الحاجات دي تقابلك في ياتو بلد في الكوكب دا ؟[/marq]

فؤاد 08-19-2009 03:53 PM

الاستاذ الكاتب محمد ارباب لك التحية والله دى مبالغة
وانت قدرت تصيغة بالطريقة الصاح
والله اتمنى ان اى مسؤل يقرى كتابتك دى ويتمعن معانيها
ولك التقدير ومذيد من الكتابات يارائع


[ضــاقـت بــيـا يــا يـمـه هـنـا
بــــدور أتــمـسـى بـعـيـونـك
وأصـابـحـك يـــا حـبـيـبتي أنــا
صــبـاح الـخـير عـلـي عـيـونك.‏
اتـــاري الـدنـيـا مــن دونــك...‏
شـيـنـة ومـــرة مـــا بـتـنـدار
ومــــرة مـــرارة يـــا يــمـه
دي مـــرة وحـــارة زي الــنـار

محمد ارباب 08-19-2009 04:44 PM

اقتباس:

المشاركة الأصلية كتبت بواسطة فؤاد (المشاركة 84286)
الاستاذ الكاتب محمد ارباب لك التحية والله دى مبالغة
وانت قدرت تصيغة بالطريقة الصاح
والله اتمنى ان اى مسؤل يقرى كتابتك دى ويتمعن معانيها
ولك التقدير ومذيد من الكتابات يارائع


[ضــاقـت بــيـا يــا يـمـه هـنـا
بــــدور أتــمـسـى بـعـيـونـك
وأصـابـحـك يـــا حـبـيـبتي أنــا
صــبـاح الـخـير عـلـي عـيـونك.‏
اتـــاري الـدنـيـا مــن دونــك...‏
شـيـنـة ومـــرة مـــا بـتـنـدار
ومــــرة مـــرارة يـــا يــمـه
دي مـــرة وحـــارة زي الــنـار


فؤاد مشكور علي المرور وتسلم ياسيدي

والواحد بالجد بتمني انو الحاجات ي كلها تتصلح عشان

نشوف سودانا دايما في الامام وفي مقدمة الدول ودي الحاجة المفروض كلنا نسعليها


وربنا يوفق انشاء الله


الساعة الآن 10:27 AM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd
HêĽм √ 3.1 BY: ! ωαнαм ! © 2010

vEhdaa 1.1 by NLP ©2009