المساعد الشخصي الرقمي

مشاهدة النسخة كاملة : حقيقة الغناء في خطر .. مهازل


عارف مصطفي
06-18-2011, 07:24 PM
http://www.youtube.com/watch?v=WvIMDqh226w&feature=related


حبك كان لي اسطورة وانتي طلعتي ماسورة
من زمناً طويل وبعيد
كل ما اهواك يكون عيد
واليوم بانت الصورة
انتي طلعتي ماسورة
خلاص ملينا اقوالك
وما شفناها افعالك
لو داير تعيشها معاي يا حبيب هينة هي بدالك
انتي طلعتي ماسورة

عارف مصطفي
06-18-2011, 07:30 PM
http://www.youtube.com/watch?v=YYyYNKdKCXI&feature=youtu.be





تاني لا بتلاقي لا برا ولا في الفيس بوك تطاردني ولي تسك
تسوي طلب صداقة عشان تقوي العلاقة
تاني ما بنتلاقي يا الفي اخلاصي بتشك
تطاردني ولي تسك
طوالي اون لاين بكاميرا الويب تعاين
زمان بعتة يا خائن وراي حتجري ووراي تجك
تطاردني ولي تسك
تهنضبني بي رسائلك اروق فيك واحايلك
مليت انا من عمايلك ومليتك يا الفيس بوك
تطاردني ولي تسك
اقبل صداقتك وب اتجاهلك شقيت يا دوب
واخير لي مساخة الروب ولا سماحة جبنة بوك
تطاردني ولي تسك
الفيس بقي حلاتو حالة بقت حالتو بطالة
يلملم في العطالة والشباب للجامعة يدك
تطاردني ولي تسك

عارف مصطفي
06-18-2011, 07:36 PM
http://www.youtube.com/watch?v=Av7Hbagvl10&feature=related



ما راضي ما راضي الحب بقي كلام فاضي
الطالبة الجامعية الساكنة الداخلية
يوماتي حابة زي مية
والحب بقي كلام فاضي
دي خالطة اتنين تلاتة وداكة محاضراتها
مستمتعة بي حياتها
والحب بقي كلام فاضي
مشغول دايما تلفونك في الويتنغ بختونا
ازونا واتعبونا
والحب بقي كلام فاضي
تجيك قاشرة ونضيفة وعاملة البت ظريفة
تعدمك التعريفة
والحب بقي كلام فاضي
تكحل في عيونا بتغير يومي لونا
في البودرة يحنكونا
والحب بقي كلام فاضي
يا ناس ما تسعفونا ولا بالحل انجدونا
قبال ما يجنونا
والحب بقي كلام فاضي

محمد ودرعيه
06-18-2011, 07:37 PM
الاخ عارف مساء الخير
والله لو كنته في السودان لسمعات ماهو اقبح من هذا .
تقبل مرورى

ابوعمر
06-18-2011, 07:39 PM
الحبيب والعزيز جداً الي قلبي والمعزتك معزة الأخ الشقيق
لاتستغرب ياغالي صدقني هذا هو الغناء الذي يدخل المال
الان في سوق الاغاني إذا عايز تعيش وتترزقك من وراء الغناء
غني بهذه الاغاني وستجد الكل يطلبك للحفلات الغناء الان
اصبح اكل عيش وليس استماع واسترخاء وفهم معاني الكلمة
هون عليك صاحبي وابحث عن الحقيبة في هذا الزمن ولن تجد
غيرها لتسترخي اعصابك. تسلم ياصديقي
قبل كم يوم ذهبت لمناسبة زواج زميل لنا وكان الحفل بفنان من
السودان جاي مخصوص للحفله (مخصوص) كويس والله ياعارف
من بداء حتي خروجي لم افهم اوأعرف ماذا غني بس الشباب
آخر رقيص وبهجه مع شنو للان انا ماعارف!

عارف مصطفي
06-18-2011, 07:41 PM
http://www.youtube.com/watch?v=s7kWGnt2z1U&feature=related


ببقي صريح معاك واقول ليك بامانة
عمليتك ما ظريفة وحركتك جبانة
طوالي ظالمني وبي وراي بتخوني
قدام الناس تلومني
قصدك بس تهيني
وحركتك جبانة
ريدتي كانت ليك صادقة نقية طاهرة
براك قسيت علي سويتا معاي ظاهرة
وحركتك جبانة
انا ما دايرك معاي ما خلاص شوف زول سواي
كونوا اسيبك انت كلام جد ما دعاية
وحركتك جبانة

عارف مصطفي
06-18-2011, 07:47 PM
الاخوة الاحباء الاعزاء الحفيد وابو عمر برد عليكم بس بالله فيكم اسمعوا الاغنية الجاية دي

عارف مصطفي
06-18-2011, 07:52 PM
والـــــــــــــــــــله عجــــــــــــــــائب

http://www.youtube.com/watch?v=xFxx2LXbK6I&feature=related

كرهت الشواكيش طوالي بس معليش
دقوني دق العيش لامن طلعت الطيش
دي كل الناس مرتبطة رهام ووئام وبطة
وانا التقول الغلطة في يوم بتجيني جلطة
طوالي بس معليش
الناس كلها حابين سعيدة ومرتاحين
جابين بنات سمحين قول لي بس من وين
طوالي بس معليش
ارسل في المسجات واحاسب في الركشات
حبي كلاو إعتذارات لامن قلبي مات
طوالي بس معليش

ابوعمر
06-18-2011, 08:00 PM
والـــــــــــــــــــله عجــــــــــــــــائب

http://www.youtube.com/watch?v=xfxx2lxbk6i&feature=related

كرهت الشواكيش طوالي بس معليش
دقوني دق العيش لامن طلعت الطيش
دي كل الناس مرتبطة رهام ووئام وبطة
وانا التقول الغلطة في يوم بتجيني جلطة
طوالي بس معليش
الناس كلها حابين سعيدة ومرتاحين
جابين بنات سمحين قول لي بس من وين
طوالي بس معليش
ارسل في المسجات واحاسب في الركشات
حبي كلاو إعتذارات لامن قلبي مات
طوالي بس معليش
ههههههههههههههههههه مفروض ابكي موش اضحك
والله ياعارف اول مره اسمعها قسم بالله
معقوله في حاجات ذي ده حسبي الله ونعم الوكيل
ياراجل عايزين ننوم كفايه المغص العلينا كمان ديل ازيدوه زياده
عارف الضغط كان ارتفع اكثر من كده تبقي مصيبه عشان كده
احسن ماادخل هنا تاني ........... ســـــــــــــــــــلام

عارف مصطفي
06-18-2011, 08:04 PM
http://www.youtube.com/watch?v=TDg3KX9v5Es&feature=related


بناتنا بجيبو اللبش اخير لي جكس
حبشية الاذية اخير السودانية
بنات بلدي الاذية بت شايقية الاذية
حبيت مزة من بحري لقيتا ماسورة قوية
انا يا ديجي قاصداك في كل حفلة وراااااك
ولو درت المغارذ انا ليك وللمعاك
دي العاملة فيها حنكوشة بتتكلم بي رموشا
لو دقست شفت بيتم بتلقاهو زي الكوشة
هوي يا ديجي اتصبر فشلك مكتوب ومقدر
دقيقة هدئ اعصابك ارجوك ما تتوتر
حبشية الاذية اخير السودانية
بنات بلدي الفضيحة لا مشاط لا تسريحة
في كل حتة تبلقاهم يجوك جية مريحة
بناتنا بجيبو اللبش اخير لي جكس الحبش

بكري حاج احمد
06-18-2011, 08:19 PM
http://www.youtube.com/watch?v=TDg3KX9v5Es&feature=related


بناتنا بجيبو اللبش اخير لي جكس
حبشية الاذية اخير السودانية
بنات بلدي الاذية بت شايقية الاذية
حبيت مزة من بحري لقيتا ماسورة قوية
انا يا ديجي قاصداك في كل حفلة وراااااك
ولو درت المغارذ انا ليك وللمعاك
دي العاملة فيها حنكوشة بتتكلم بي رموشا
لو دقست شفت بيتم بتلقاهو زي الكوشة
هوي يا ديجي اتصبر فشلك مكتوب ومقدر
دقيقة هدئ اعصابك ارجوك ما تتوتر
حبشية الاذية اخير السودانية
بنات بلدي الفضيحة لا مشاط لا تسريحة
في كل حتة تبلقاهم يجوك جية مريحة
بناتنا بجيبو اللبش اخير لي جكس الحبش


http://photos.azyya.com/store/up3/090206222905xeaH.gif

ابداع ياعارف كتمات بمزاج كتر لينا من ده خليك من ابوعمر وودرعيه ديل فاتت عليهم ابدعت في البوست وفي ناس بعرفهم تحت تحت بسمعوا الكتمات دي وحاتشوف عدد المشاهدين

ابوعمر
06-18-2011, 09:11 PM
http://photos.azyya.com/store/up3/090206222905xeah.gif

ابداع ياعارف كتمات بمزاج كتر لينا من ده خليك من ابوعمر وودرعيه ديل فاتت عليهم ابدعت في البوست وفي ناس بعرفهم تحت تحت بسمعوا الكتمات دي وحاتشوف عدد المشاهدين

هههههههههههههههههههه
منو الناس ديل قول لي بيني وبينك بس اوعي تقول لي ناس الكتااااااااحه وابوذز حسن
وين المشاهدين ماشايف ولا واحد للان.
تخريمــــــــــــــــــــــــــــــــــه:
تصبحوا علي خير إن شاءالله

محمد عوض السيد
06-19-2011, 11:51 AM
سلامات عوافي


ان الغناء اصبح في حافة الضياع .. وداير دفره بسيطه حتي يسقط ما تبقي منه في مخيله كل ذواق ..
سبق وان تناولت الامر من وجه نظر اخري .. بوست (في ذاكراة الغناء السوداني ) ..
ويجب علي المستمع ان يحارب مثل هذا الضجيج الذي يسمي غناء ..



ولك ودي
واحترامي

الطيب ابوكرنة
06-19-2011, 05:15 PM
الحبيب القريب عارف مصطفى تحياتى وأشواقى الغوالى
أخبرونى أبنائى الصغار محمد وسالم عن سيارات المطربين الشباب
فبكيتُ دماً حتى بللت به الثرى ليس حسداً من عند نفسى ولكن أدباً لكبار أسسوا مدرسة الفن الجميل
فقلت لهم مات أبو عفان وسيارته مرسيدس 78 م ومات أبو داؤد وسيارته شفر 77 م ومات أحمد المصطفى وكان رجل غنى لكن لم يكن يحب الشهرة ومات محمد حسنين وسيارته بيوك 81 م ومات خليل إسماعيل ولم يمتلك سيارة ومات التاج مصطفى
ومات كرومة ومات سرور ومات بادى وكان يستأجر ركشة لكى يصل الإذاعة
هولاْء على سبيل المثال لا الحصر نعم رحلوا بأجسادهم و لكن باقية أعمالهم
واليوم شعراء الأغنية الهابطة يركبون السيارات الفارهة
أين هم بالله من أبو صلاح وعبد الرحمن الريح والعبادى وود الرضى وعبيد عبد الرحمن وعمر البنا و محمد البشير عتيق و المساح ومحمد يوسف موسى وسيف الدسوقى ومحى الدين فارس ومصطفى سند
والله لقد رأيت بعينى فى الثمانينات الشاعر المُرهف التجانى حاج موسى يركب دبابة نارية (موتر)
بالله أعذرونى والله لقد بكيت الأن
نعم ماتوا ماتوا ولكن باقون بأعمالهم الجميلة والخالدة
وكيف يموت من كان رمزاً للإبداع والروعة وكان رمزاً للسعادةوالجمال
لكن مرتزقة الفن باقون بشعورهم الطويلة وباقون بأشعارهم الهابطة
((تخريمه لمن أراد أن يبكى))
1 – فى مهرجان المربد فى الثمانينات رأيت سيف الدين الدسوقى يلقى قصيدة ويقفز إليه الشاعر السعودى حسن عبد الله القرشى صاحب غرد الفجرُ لعثمان حسين يُصفق له وينثر عليه قارورة عطر
2- وفى أسبوع السودان بالكويت أيام السفير الرائع عبد الله السريع يقفز الوزيرالعتيقى وزير المالية والنفط الكويتى فى ذلك الوقت ويلقى بغترته وعقاله على أبو داؤود ويخلع ساعته الذهبية ويلبسها له وقتها سرت في السودانيين قشعريرة ونشوة جعلت كل الحضور يبكى
أعزائى من أراد أن يبكى فخراً فليبكى ومن لم يستطيع فليتباكى فخراً بالماتوا وأسفاً على الهابطين لأنه فى الحالتين البكاء حلال
شكراً عارف الرائع رغم البكاء

محمد ودرعيه
06-19-2011, 06:55 PM
http://photos.azyya.com/store/up3/090206222905xeah.gif

ابداع ياعارف كتمات بمزاج كتر لينا من ده خليك من ابوعمر وودرعيه ديل فاتت عليهم ابدعت في البوست وفي ناس بعرفهم تحت تحت بسمعوا الكتمات دي وحاتشوف عدد المشاهدين




ههههههههههههه يابكرى والله كلمك صاح نشوف عدد المشاهدات كم ....؟

ريري
09-02-2011, 08:50 PM
ضااااااااع الغناء الجميل
بعد كم سنة حنبكي علي الطير المهاجر.... ومرت الايام
وكل الكلمات الجميلة

حسن شرشر
09-04-2011, 07:16 PM
هههههههههههههههههههههههههه